एजेन्सी । एकदिवसिय क्रिकेटको विश्वकप शुरु हुन अब केहि दिनमात्र बाँकि रहेको छ । विश्वकपमा सहभागि टोलीहरु यहि प्रतियोगिता लक्षित गर्दै आफ्नो अन्तिम टोली घोषणाको क्रममा रहेका छन् ।
केहि अपत्यारिलो अनुहारहरु विश्वकपमा देखिने भएका छन् भने केहि विश्व क्रिकेटमा स्थापित भइसकेका खेलाडीहरुले यो विश्वकप गुमाउने भएका छन् ।
यस्तोमा पाकिस्तानले पनि सोमबार विश्वकप खेल्ने आफ्नो टोलीको घोषणा गरेको छ । उक्त टोलीमा यसअघि सम्भावित खेलाडीको सूचीमा रहेका जुनेद खान, अबिद अली र फहिम असरफले अन्तिम टोलीमा स्थान बनाउन सकेनन् । यी तीनको स्थानमा मोहम्मद आमीर, आसिफ अली र वाहाब रियाजलाई छनौट गरिएको छ ।
इंग्ल्याण्ड विरुद्धको पछिल्लो एकदिवसिय सिरिजमा ४–० ले पराजित भएपछि टोलीमा यस्तो परिवर्तन गरिएको दाबी गरिएको छ ।
टोलीको घोषणा भए लगत्तै सामाजिक संजालको प्रयोग गर्दै विरोध जाहेर गरेका छन् । उनले मुखमा कालो टेप लगाउँदै, ‘म केहि भन्न चाहन्न, सत्य तितो हुन्छ । ’ भन्दै आफ्नो धारणा राखेका छन् ।
जुनेदलाई पाकिस्तानको रिसर्भ खेलाडीको सूचीमा नराखिएपछि यो विषय चर्चित बन्दै गइरहेको छ । उनको उक्त पोष्ट अहिले सामाजिक संजालमा भाइरल भइरहेको छ ।
