काठमाडौं । विश्वकप क्रिकेटमा भारतले अफगानिस्तानलाई २ सय २५ रनको लक्ष्य दिएको छ । अफगानिस्तानले केहीबेरमा जवाफी ब्याटिङ गर्नेछ ।
साउथ ह्याम्पटनमा टस जितेर ब्याटिङ थालेको भारतले निर्धारित ५० ओभरमा ८ विकेट गुमाएर २२४ रन मात्र बनाउन सक्यो ।
भारतको सुरुवात राम्रो हुन सकेन । टिमको स्कोर मात्र ७ रन हुँदा भरपर्दा ब्याट्सम्यान रोशिच शर्मालाई मुजिब उर रहमानले बोल्ड गरेका थिए । त्यसपछि दबावमा आएको भारतका कुनै पनि ब्याट्सम्यानलाई अफगान बलरहरले खुलेर खेल्न दिएनन् ।
यद्यपि कप्तान विरोट कोहलीले केएल राहुलसँग मिलेर पारी सम्हाल्ने कोसिस गरे । ५७ रनको साझेदारी गरेका राहुल ३० रनमा आउट भए । विजय शंकरले पनि कोहलीलाई राम्रै साथ दिए ।
५८ रनको साझेदारी गरेका उनी २९ रनमा आउट भए । चौथो विकेटका रुपमा कोहली व्यक्तिगत ६७ रनमा आउट भए, जतिबेला भारतको स्कोर १३५ रन थियो । एमएस धोनी र केदार जादवले भारतीय पारी सम्हाल्ने प्रयास गरे । धानी २८ रनमा आउट भए भने जाधव ५२ रनमा आउट भए ।
हार्दिक पाण्डेय ७ र मोहम्मद सामी मात्र १ रनमा आउट भए ।
